મહેશ શાહને મેં ધીર, ગંભીર, ઠાવકો પત્રકાર ધારી લીધેલો એ સ્વભાવમાં ખૂબ હળવો, સહૃદયી, સાલસ, સેવાભાવી, વિનયી, માયાળુ માણસ નીકળ્યો.

બેઠો બેઠો એની હાસ્યવૃત્તિના ચમકારા દેખાડ્યા કરે. એના હાસ્યલેખોમાં વૈવિધ્ય છે અને રાજકારણની બબાલમાં પડ્યો નથી. એના ભંગ તીખા હોવા છતાંય કયાંય દંશ નથી.

એણે મને ગપ્પાગોષ્ઠિમાં તો ઘણું હસાવ્યો છે.

પણ આપણું કાંઈ નક્કી નહીં - અનેક વાચકોને હસાવશે એ નક્કી છે. મૂળ એ મારા ખાડિયાનો છે. કહેવાય છે કે ખાડિયાએ ઘણા હાસ્યલેખકો આપ્યા છે. મહેશ એ રીતે પણ મારો ખાસંખાસ ખાડિયાઈ મિત્ર છે. એની કલમમાંથી એ ખાડિયાઈ ચમકારા આપણને માણવા મળતા રહેશે. હાસ્યદેવ એના ઉપર કૃપા વરસાવતા રહે તેવી પ્રાર્થના.

-તારક મહેતા